【車胎泵氣】想安全、慳油、舒服？車胎氣壓打幾多？ASI300
車胎壓力唔正確會有咩後果？
當車胎壓力不足時會令車胎偏軟，同地面接觸面積過大，行駛時嘅阻力會增加，耗油量亦相應大增。長時間維持低胎壓會令車胎較易磨損，車鈴亦有機會變形，容易出現爆胎情況 。
當車胎壓力過大時，與路面接觸面積細，會令抓地能力下降，剎車性能降低 ，而且影響行車穩定性， 乘坐舒適度都會下降；值得注意，喺夏天或者高速行駛時，車胎溫度上升同時會令胎壓上升，壓力過大嘅車胎更容易爆胎，嚴重影響行車安全。
究竟泵幾多胎壓先最好呢？
每部車嘅車身都會有一個由廠方提供嘅胎壓表，多數位於駕駛座車門邊，建議每一款車胎應該注入幾多胎壓，而且前、後車胎所注入嘅胎壓都唔同，所以只要對應表上嘅數值同自己所用嘅車胎款式，再喺電子氣泵輸入氣壓就可以。要留意嘅係，香港主要係以磅數（Psi）計算，如車身上顯示單位為 Bar / kPa，車主就要自行換算單位。Black+Decker 多功能氣泵有齊 3 個胎壓單位 (Bar/kPa/Psi)，可以因應唔同車款所顯示嘅單位自由轉換。
私家車胎壓一般由 30Psi 到 35Psi ，而且要因應車胎尺寸、載人數量而定；而重型貨車胎壓一般由 100Psi 到 115Psi，Black+Decker 多功能氣泵最大壓力高達 160Psi ，應用範圍非常廣。
（以 kPa/Psi 為單位嘅胎壓表）
氣泵使用教學
額外小貼士
新車基於庫存需要，會將胎壓稍為提高，如果車主直接將新車駛上公路甚至駛上高速公路係一件極為危險嘅事，因為行駛中嘅車胎會升溫，產生嘅氣壓會超過車胎安全極限，因此新車上路產生嘅爆胎事故並唔少見。因此新車落地時，車主應該預先檢查胎壓一次，以策安全。
維持正確嘅胎壓係好重要，每個月應該至少檢查一次胎壓，以保持最佳耗油量同行車安全性。 即使無開車，陽光仍然會令車胎溫度上升，令胎壓變高，若果要量度準確嘅胎壓數值，要避免愛車直接喺太陽下暴曬。駕駛時車胎與地面磨擦，車胎溫度會上升，胎壓同樣會增加，因此，想量度準確胎壓數值，亦要避免喺駕駛後量度。
Comments