【直角配件】得偉纖巧啄木鳥，大扭力直入超窄位！DWARA120

得偉啄木鳥批 長壽耐用的保證

每逢屋企小修小補，簡單做啲事後加工，都總會有啲位置令你相當頭痛，好似個位太窄，電批太粗入唔到 >_< 得偉嘅一個小法寶，得偉纖巧啄木鳥批，就可以幫你解決一大堆咁樣嘅煩惱！

一流傳導力

好多人都試過其他牌子同類型嘅啄木鳥批，好快玩完，頭轉尾唔轉，於是乎就永不錄用；而世人都知道，得偉追求極致品質，電批越出越強勁，配件當然要跟得上節奏！得偉纖巧啄木鳥批採用金屬齒輪設計，強韌核心，能夠承受強大扭力，佢天生嘅使命，就係要將強大扭力帶到每個角落，極端啲，鑽埋窿都得呀！

窄位首選

得偉纖巧啄木鳥批高度少於 1.5" (38mm) ，而且整體比起上一代啄木鳥批更幼，能夠應付更窄位置！

進階防滑牙

配合得偉批咀嘅精密設計，緊貼螺絲，轉換頭具有強大磁力，保持鑽咀、批咀、螺絲穩定，進一步防止滑牙。

六角頭通用

無論係批咀定係鑽咀，只要係 6.35mm 六角頭，就可以用得。

點擊獲得報價 或 查詢更多資訊