【洗車攻略】洗車方法最靚仔又快手，無線水槍、風炮、極品車蠟，教晒你點用！DCPW550P1 DCM562P1
DIY 洗車教學 自己落手搞得掂
作為車主，錫車與否，一眼睇得出！今日我地史丹堡得偉就會用得偉 20V 無線水槍、磁浮風炮，仲有一系列美光 Meguiar’s 嘅極品車蠟，手把手做示範，比你參考吓點樣全方位將愛驅保持最佳狀態，出街立立靚，羨煞旁人！
一架車保養得好，狀態可以爭好遠！
主角登場
佢就係今日嘅主角：路過工地嘅白馬王子。喺車軚位置就已經見到啲泥土嘅痕跡，乾咗變白色之後，雖然唔係好覺眼，但係一淋水就即刻原形畢露！
第一步：過水，洗淨污漬
首先我哋用綠色 25 度噴嘴，配合高輸出模式，將呢啲泥土嘅污跡打落嚟。呢種免接觸嘅方法，一嚟快趣，二來又避免抹嘅時候太大力，夾住泥土傷害車漆。做呢個動作嘅同時，可以做埋全車過水，見到邊啲地方有污跡，就拉近距離，用水壓打甩啲污跡。
小編自己個人嘅習慣，就比較鍾意用綠色25度，然後用「行近行遠」嘅方式嚟控制水壓，咁就唔使好頻密咁換槍嘴。
第二步：滋潤美容，洗車精
打甩晒啲污跡同埋過晒水之後，就可以進入下一個環節：落洗車精，做一個滋潤美容嘅效果！得偉 20V 鮫皇槍會送一個番規壺俾你，落兩殼美光黃金配方，然後稀釋，裝上去，水桶加滿水，咁就可以將洗車精打上車身，用哂，就再執多劑！
美光黃金配方適用於成架車，包括車漆表面同埋玻璃，做完出嚟嘅效果就會有光澤，立立令。佢為車身帶嚟溫和清潔，去除車面污漬，而唔會對車身本身嘅蠟層保護造成影響。上完洗車精就再過水，沖返乾淨車身，避免車身起哄。
第三步：打散水珠，極易抹乾
下一個出場嘅就係：得偉 20V 磁浮風炮，佢可以一次性大範圍打散大水珠，水珠細粒咗，用纖維布一抹就靚仔哂。郁少咗之餘，塊布濕得無咁快，用少幾塊布都無咁煩。有時候先用工具做一浸，到親自落手做嘅時候，就會舒服輕鬆得多。
尾二步：快速噴蠟，完美潤飾
壓軸登場，就係呢支美光極品系列嘅快速噴蠟，用咗 Hydrophobic Polymer 疏水聚合物技術，再加埋全新設計嘅噴霧器，噴出嚟霧化嘅效果，非常均勻，就咁噴噴抹抹，睇住d噴蠟慢慢滲透入去車身表面，呢種感覺真係好治癒。
做過嘅位置都會變得油麗透亮，落雨再睇就會見到出色嘅去水效果。正如美光工廠所講，呢個係最快嘅方法，帶比你車展級嘅效果，嚟到呢度，就進入最後階段！
車軨部分都好重要
一般嚟講，如果要認真洗四條車軨，其實仲花時間過洗車身，但係唔洗又唔得。因為呢啲軨粉，其實係來自剎車嘅時候，喺剎車碟表面刮出嚟嘅金屬，入面仲會撈埋一啲制動片上面甩出嚟嘅碳纖維，同埋黏合劑。呢啲混合物係有腐蝕性，有機會對剎車系統造成影響。
而美光呢一隻極品系列全能洗軨水，就係你最方便嘅選擇。噴上去等 2 至 4 分鐘，就會有啲紫色液體流出嚟，呢啲就係已經溶解咗嘅車軨粉塵。佢嘅配方性質溫和，pH 值平衡，無酸度，可以放心使用。
等啲污糟嘢溶解晒之後，就可以再過多次水，將啲污糟連埋番梘泡，一次過沖哂出嚟。呢個過程最好就用得偉水槍，原裝黑色 Turbo 頭，360 度大幅度噴射，直接噴入，輕易調校角度同水壓，直至見到清水流出嚟，咁就差唔多可以停。
搞掂晒之後，再周圍檢查一次，用纖維布將殘餘嘅水漬抹乾，大功告成。
最後總結今日好幫手
無線工具有得偉 20V 鮫皇槍，得偉 20V 磁浮風炮，佢地係共用電池，全程差唔多做咗 2個鐘，2 個 5AH 原裝得偉鋰電池，一共 6 格用咗 4 格。
至於蠟水，今次就用咗美光黃金配方洗車精 (Meguiar’s Gold Class Car Wash Shampoo & Conditioner)，美光極品系列，全能洗軨水 (Meguiar’s Ultimate All Wheel Cleaner) 同埋快速噴蠟 (Meguiar’s Ultimate Quik Wax)。
一級方程式大放彩蛋
臨走前再講多個好消息俾你知，得偉已經同麥拿侖 Formula 1 車隊正式簽訂「長期戰略合作夥伴協議」， 全方位支援麥拿侖車隊喺世界一級方程式賽事嘅表現，所以你用緊嘅，就係世界一等一嘅體驗。詳情點擊我哋下圖連結啦！
Comments