【禮儀入門】碰杯 3 步驟，新手喝紅酒不失禮儀。
碰杯之道，如何大方得體，杜絕出醜？
如果有一日，有個老友請你飲支靚酒，當你好開心咁「Cheers」嘅時候，突然「鏗」一聲，杯緣破碎，靚酒灑地，呢個moment，你仲可以點兜？
新手想自信、安全、禮貌地碰杯？只需要做齊以下3個步驟：
手執杯柱 (為何是杯柱?)
杯緣向側
杯肚互碰
杯緣係酒杯最脆弱嘅部份，一唔小心，就會造成以上難以收拾嘅局面，所以，碰杯碰得有技巧，要用杯肚 (Bell to Bell) 接觸，即是杯身中間最闊嘅部分。
呢個方法不但可以避免酒杯破碎，仲可以避免杯口指向對方，碰杯而激起嘅酒花就唔會飛濺到對方身上喇！
此外，部分酒杯 Bell to Bell 時，可以碰出清脆「叮」一聲，輕輕咁挑起其他人注意力，交際場合舉杯，識玩，就有呢種可愛嘅地方。
下次再同三五知己對酒當歌，不妨試吓呢個效果啦！
Comentários