top of page
車蠟種類繁多
合適車蠟要揀清楚！
，
市面上車蠟種類繁多，每種車蠟嘅配方唔同，效果亦唔一樣，車主喺選擇上必須針對愛車車漆做適當決定，否則唔單止保護唔到愛車，反而仲有機會令車漆變色。一般而言，應根據車蠟特點、車輛新舊程度、車漆顏色及行駛環境等因素考慮而為愛車選購合適嘅車蠟。
運用不同車蠟
達至最佳拋光效果。
，
車蠟種類及特點
車蠟有固體同液體之分，再細分為粗蠟、白蠟、蕉蠟、拋光蠟同封釉蠟5種。
固體蠟
有較好嘅持久與潑水能力
液體蠟
去污效果比較強
粗蠟 含研磨成分，具有起漬、去除車身細小花痕及氧化層嘅作用，由於粗蠟主要係靠研磨方式嚟撫平傷痕，因此使用時對車漆會有一定嘅傷害，如果無必要唔一定要使用。
白蠟 具有輕度去污作用，以及恢復車漆原有光澤。
香蕉蠟 可以增加車漆顏色光亮度、去污、護色及修護劃痕。
拋光蠟 主要令車漆回復光澤，達至鏡面效果，同時有去除輕微劃痕效果。
封釉蠟 可以令車身變得水晶般光亮。
好多品質較好嘅車蠟同時具有防刮花、防水同防紫外線等效果。
注意愛車新舊程度
新車唔可以隨便打蠟，因為新車本身嘅車漆層上已有一層保護蠟，過早打蠟反而會將新車表面嘅原裝蠟除去，造成不必要浪費，一般新車購回五個月內不必急於打蠟。另外新車可以傾向選用保養蠟，如防水、防紫外線，以保護車身光澤同顏色為主。
注意車漆顏色
淺色車蠟著重於清潔能力，深色車蠟著重於亮度表現。
淺色車適合用銀色、白色及米色系列嘅車蠟
深色車適合用紅色、藍色、黑色及綠色系列嘅車蠟
行駛及停泊環境
若果愛車經常停泊喺戶外，受陽光、風沙、雨水等侵襲，可選保護作用較強嘅車蠟，例如樹酪蠟。
一般擺放喺有蓋停車場，多數喺良好道路上行駛嘅車，建議每 3 至 4 個月打蠟一次。而擺喺露天停車場，日曬雨淋，最好每2~3個月就打一次蠟，以填補新嘅車蠟，為愛車提供持續嘅保護。
閱讀更多
bottom of page