top of page
四代車漆美容比較
第一代 : 汽車打蠟
汽車打蠟係傳統第一代嘅汽車美容保養方式，利用蠟、合成物、樹脂合成物、矽樹脂等物質為車漆表面提供保護同清潔作用，打蠟更可清除輕微嘅螺旋紋及提升車漆光亮度，同時亦可造出潑水效果。
優點：價格便宜，施工簡單，效果立竿見影
缺點：蠟分子結構大過車漆分子結構，難以滲透車漆，持久性短，一般維持三至四個月左右。
第二代 : 汽車封釉
封釉嘅主要成份係來自石油、樹脂等，係亞納米級漆面保養產品，分子結構一般細過漆面氣孔，好容易滲透到車漆內。封釉需要通過專用嘅振動拋光機，將釉壓入車漆內部，形成一層網狀保護膜。
優點：能夠提高漆面亮度，耐高溫能力、耐酸雨能力以及抗紫外線能力，增加潑水性。
缺點：由於釉主要成份係有機物或酸化物，易被酸化或氧化，耐久性一般。一般四到五個月就會逐漸瓦解，需要在做一次施工，經過封釉處理後嘅車，一般亮度都好高，只係抗劃痕能力較差。
第三代 : 汽車水鍍膜
非結晶式嘅鍍膜喺汽車美容店及精品店大多稱之為水鍍膜，主要提供撥水及亮面效果，只要輕輕一噴一抹就可以快速形成一層亮光保護膜，當液體滴落水鍍膜車漆面時，會形成水珠，令水珠快速滑落，令污物、塵土及雨水不留於汽車表面。
優點：使用簡單方便，相當適合 DIY 使用，而且迅速見效。
缺點：保護能力一般，而且維持時間只有一個月以內。
第四代 : 結晶鍍膜(鍍晶)
鍍晶主要原料為二氧化矽，結晶後會形成一層透明結晶保護層，分子細小，能夠緊密覆蓋車漆表面，有效防止污垢和紫外線滲透車漆，保護性極佳。鍍膜有「7H」、「8H」、「9H」等硬度之分，可以增強車身的抗刮力，鍍膜有效時間更長達1年以上。
優點：保護性極高，而且持續時間長，可達 1 年以上。做完鍍晶後日後洗車十分方便。
缺點：鍍晶施工方式繁瑣複雜，對施工技術、施工環境有嚴格嘅要求，施工時間長。 價格昂貴。
DIY 級別
專業級別
bottom of page